和 Dig and Tracy 影相是一件樂事，因為她們必定會準備好攝影師要求的衣著款式，更利害的是她們視攝影機如
無物，表現出最自然的一面。我很明白模特兒都很緊張自己的表現好不好，影得靚不靚，這會增加了自己的壓力
，反而影響了自己的表現。我認為模特兒大可以放心點、輕鬆點去影，如果有些表情或Pose 未能乎合攝影師的
要求、他一定會提點你，相信攝影師不會想拍妳的醜態吧。

這輯相片是 2002 年最後拍攝的相片，正好總結下去年的成績。過去一年是我拍攝以來最勤力的一年，不停去拍
攝，使自己因為幾年來沒有拍攝的生疏情況一掃而去。我亦明白到自己的長處和短處，及自己最喜歡的拍攝方式
，很多謝所有出任過我的模特兒的幫助，我知道不少所以相片都是妳們喜愛的。過去一年也是數碼攝影急速增長
的一年，很多朋友都是由此初次接觸攝影。回想幾年前設立 "人像攝影教室" 時，人像攝影可說是停滯不前，市面
上沒有一本合時的人像攝影教材，令初接觸的影友無所識從。去年市面上以我所知最少出版了三本人像攝影的書
籍，此外幾個大型網上攝影網壇相繼成立，在互相交流的情況下，大家的拍攝水準亦大大提昇。希望這股風氣能
夠持續下去。

Model's Words:

BY Dig
好開心可以同阿Joe第三次合作,原本我地約好香港轉涼既一日去影,記得天文台仲話氣溫會得12度~阿Joe好好,唔
想我地受苦,改為天氣好陽光夠既一日去中文大學!今次既攝影仲帶埋佢既好友華仔,第一次有兩位攝影師一齊影,不
但沒有生硬出黎效果反而更自然,都係多得大家有傾有講,又講笑話又講下大家既喜好,才做到阿Joe的一句"視攝影
機如無物"!影相都可以係好輕鬆哩~
每次攝影前我同Tracy都會傾下衣著方面應該點著,先岩攝影師同我地自己既心水,又或者研究下大家想影出黎有咩
效果!如果想影得cool d就應該著深色, 要活潑,精神d就著淡色,白色同鮮色,想twins就要一齊去買衫~
呢一輯相好滿意亦都好鐘意,希望可以繼續同阿Joe合作影多d靚相~多謝阿joe

BY Tracy
冇諗過可以一而再,再而三咁成為亞joe既model，佢係一個友善、專業既攝影師，能夠同佢合作，實在係我既榮
幸。同亞joe影相係一件賞心樂事,佢每次幫我地影相都會準備一d合適既道具，令我地d相增添色彩。另外，做亞
joe既model可以流露真我，無需刻意擺任何pose，佢比我地隨心所欲去發揮，所以d相影出黎都比較自然，呢個
亦都係我鍾意同亞joe影相既原因之一。借呢個機會衷心多謝亞joe，多謝你滿足我做model既慾望，多謝你唔嫌
棄我平庸既外貌同略肥既身型，多謝晒！

Page 1     Page 2     Page 3

合照